Ferido un operario tras caerlle unha árbore encima en Oza-Cesuras
O traballador foi trasladado en helicóptero ao hospital
Por E.P. | SANTIAGO DE COMPOSTELA | 07/10/2025 | Actualizada ás 16:07
O servizo autonómico de emerxencias do 112 informou de que un operario foi trasladado este martes en helicóptero ao hospital tras caerlle unha árbore encima en Oza-Cesuras.
Segundo relata, foi pouco antes das 12.30 horas cando un compañeiro informou ao 112 Galicia de que ao operario lle caese unha árbore encima cando traballaba na parroquia de Cutián, en Oza-Cesuras. Conseguiran quitarllo de encima, pero necesitaba asistencia sanitaria urxente.
O servizo de atención a emerxencias pediu a acción de Urxencias Sanitarias de Galicia-061, da Garda Civil, e do GES de Curtis. Urxencias Sanitarias de Galicia-061 confirmou que estaba a mobilizar o seu helicóptero medicalizado con base en Santiago.
Unha vez no lugar, os servizos sanitarios atenderon ao implicado, que foi levado ata a aeronave e finalmente evacuado ao Complexo Hospitalario Universitario da Coruña.
