Proxecto para recualificar e empregar a afectados polo peche das térmicas de Meirama e As Pontes
O proxecto está dirixido a persoas residentes na provincia da Coruña que procedan de empresas afectadas, directa ou indirectamente, por este proceso
Por E.P. | SANTIAGO DE COMPOSTELA | 15/10/2025 | Actualizada ás 19:26
O proxecto 'ActivaVerde' tratará de favorecer a recualificación profesional e a empregabilidade das persoas afectadas polo peche das centrais térmicas de Meirama e As Pontes.
Tal e como trasladou a Xunta nunha nota de prensa, o secretario xeral de Emprego e Relacións Laborais, Pablo Fernández, participou este mércores na presentación do proxecto.
Con esta acción, o Goberno galego quixo dar a coñecer técnicas e estratexias asociadas á procura activa de emprego no ámbito das tecnoloxías verdes e da eficiencia enerxética, co fin de mellorar o perfil profesional dos afectados polo peche e aumentar as súas posibilidades de contratación.
Así, o proxecto está dirixido a persoas residentes na provincia da Coruña que procedan de empresas afectadas, directa ou indirectamente, por este proceso.
