Ampliación.- Feijóo engorda ás axudas aos medios con 2,5 millóns máis

Antes de "estudar" a regulación das subvencións aos medios, tal e como se comprometeu a pasada semana cos representantes dos xornalistas, Núñez Feijóo apresurouse, dous meses despois de asumir a Presidencia do Goberno galego, a ampliar o decreto de axudas ás empresas xornalísticas e de radiodifusión asinado polo bipartito e o fai con 300.000 euros máis que o anterior goberno...

Por Galicia Confidencial | Galicia | 02/06/2009 | Actualizada ás 09:10

Tamén o anterior bipartito ampliou o crédito ás empresas xornalisticas sen ter en conta a creación de emprego estable nin a diminución da precariedade. O 17 de marzo de 2008 asinaba un decreto que aumentaba en 2,2 millóns este tipo de axudas. O novo executivo de Feijóo, utilizando este tipo de procedimentos, ben de engordar en 300.000 euros esta cantidade.

Así, o importe, que o anterior goberno fixaba para cada medio en 39.336 euros noutra resolución do 21 de novembro de 2008, será aumentado en 2,5 millóns de euros.

***********************

Resolución do 25 de maio de 2009, da Secretaría Xeral de Medios, pola que se amplía o crédito inicial das axudas económicas destinadas a empresas xornalísticas e de radiodifusión.

A Resolución do 21 de novembro de 2008, que regula as axudas a empresas xornalísticas e de radiodifusión publicada no DOG nº 234, do 2 de decembro, establece as bases para a concesión destas subvencións.

O artigo 3 desta resolución identifica a contía inicial dos créditos destinados a financialas, sen prexuízo de posteriores modificacións orzamentarias. Así, existindo dotacións dispoñibles para esta finalidade, cómpre ampliar o importe dos créditos inicialmente asignados coa finalidade de manter esta acción de fomento en niveis adecuados.

Polo exposto e tendo en conta as áreas de competencia adscritas funcionalmente á Presidencia da Xunta de Galicia, artigo único, punto 3 e disposición transitoria segunda do Decreto 82/2009, do 21 de abril, polo que se establecen os centros directivos dependentes da Presidencia da Xunta de Galicia,

DISPOÑO:

Artigo único.

Primeiro.-Ampliar o importe da contía máxima dos créditos destinados a dar cobertura orzamentaria á Resolución do 21 de novembro de 2008 pola que se establecen axudas económicas, en réxime de concorrencia competitiva, destinadas a empresas xornalísticas e de radiodifusión, en dous millóns cincocentos mil euros (2.500.000 ), con cargo á aplicación orzamentaria 04.30.151A.470.1.

Segundo.-Esta modificación non afecta o prazo establecido na referida resolución para a presentación de solicitudes.

Santiago de Compostela, 25 de maio de 2009.

Alfonso Cabaleiro Durán

Secretario xeral de Comunicación

25 anónimo

Boicoz e eleccións anticipadas, non os pucheirazos co meu diñeiro.

24 Remixio

¡BOICOZ!

23 Remixio

O que deberían facer todos os votantes de PSdeG e BNG conscientes de que La Coz de Santiaguito Rey xogou un papel decisivo a favor do PP nas pasadas eleccións, é deixar de mercala. Con que o fagamos 10.000 xa estaría levando un bo aviso. Eu xa me apuntei a esa lista. E os libelos lense igual no bar da esquina que na casa.

22 Bule bule

Jejeje...como enchufan o ventilador os do PP cando non lles interesa.

Jacinto Rey, gasta o SEU diñeiro no que lle dea a gaña. A concesión eólica se a leva a cabo, reportaralle 14 millóns de €. Se ti cres que iso xustifica montar un xornal da nada e aínda obter beneficios, non sabes canto custa facer un xornal.

O que pasa é que a algúns non lle perdoan a Jacinto Rey non sexa pepeiro. Se fora así, algúns que escriben por aquí, e dan leccións de sectarismo a outros, estarían no porto a ver se poderían limparlle o casco do iate, verdade undaló e anónimo?? ;)

Bueno undaló, se non che gosta o Xornal non o compres. O Xornal, da outra visión da realidade que o que parece que te molesta.

E xa que sacas o Granma, pois dicirche que ese xornal era o Boletín oficial do Estado na URSS onde se cantaba as excelencias do partido gobernante. E ese papel en Galiza, perdoa que che diga, pero corresponde a "La Voz de Galicia".

O dito, se non te gusta, non o compres. Compra millor "La Voz" e así, o pagas duas veces: unha cos teus impostos, e outra no kiosco. Coma se debe estar rindo o outro Rey (Santiago) dos pobriños que pagan 2 veces pola mesma cousa. :D

21 undaló

Ogallá se retiren as subvencións a todos os xornais. A ver cales sobreviven. Alédame ver a alta estima que tedes de Gómez. O Xornal si que é un exemplo de prensa libre. Como o Granma. Igualito.