Rural.- Estabilizado o incendio de Rianxo (A Coruña)

O incendio declarado na tarde deste martes en Rianxo (A Coruña) quedou estabilizado en torno ás 19.00 horas, segundo informou a Consellería de Medio Rural nun comunicado.

As últimas estimacións cifran en 20 hectáreas a superficie calcinada no incendio de Rianxo, onde traballan nas tarefas de extinción un técnico, cinco axentes, 19 brigadas, dez motobombas e tres pas, ademais de medios aéreos.

Por outro lado, permanece controlado dende primeira hora da mañá o incendio que afecta o municipio ourensano de San Cristovo de Cea, na parroquia Oseira, que queimou xa 170 hectáreas de monte.