Os dez chíos máis famosos da campaña electoral
GC publica as dez publicacións referidas aos candidatos á Presidencia da Xunta que máis se viralizaron en Twitter. Feijóo encabeza esta lista, na que se meten por vía directa a cabeza de cartel de Ciudadanos, Cristina Losada, e o seu líder estatal, Albert Rivera, ademais de Luís Villares, pero polo pulo dado pola conta de Podemos dende Madrid ao candidato de En Marea.
Por Galicia Confidencial | Santiago de Compostela | 20/09/2016 | Actualizada ás 09:00
Xa sabemos que Alberto Núñez Feijóo é o favorito nas enquisas e o máis mencionado en Twitter entre os candidatos á Presidencia da Xunta. Del é tamén o chío máis popular e espallado nesta rede social, no que levamos de campaña electoral. O líder do PPdeG pode presumir de ter publicado —el, ou o seu community manager no seu nome— o tweet que máis impacto tivo entre todos os que se teñen publicado en relación ás contas dos aspirantes a gobernar Galicia nos próximos catro anos. GC recompilou os chíos máis famosos publicados durante a campaña electoral —entre os días 9 e 18 de setembro—, referidos ás contas dos principais candidatos, e seleccionamos e ordeamos os dez que acadaron máis sona por rechíos e 'gustame' (os datos totais que destacamos son os acumulados até o día 18 e poderían ter variado xa ou cambiar nos próximos días).
Feijóo e o PPdeG logran meter dous chíos entre os máis viralizados en Twitter; tamén Albert Rivera e a súa candidata en Galicia, Cristina Losada, publicaron dúas das mensaxes máis rechouchiadas. As seis restantes desta lista céntranse principalmente en recordarlle ao líder dos populares o seu pasado máis negro pola súa amizade co narcotraficante Marcial Dorado, ademais da corrupción que afecta ao PP e as súas políticas de recortes. O único candidato da esquerda que se cola nesta lista é o cabeza de cartel de En Marea, Luís Villares, pero non pola vía directa, senón grazas a unha referencia da conta de Podemos, dende Madrid. Nin Ana Pontón (BNG) nin Leiceaga (PSdeG) logran por eles mesmos ou os seus partidos, nin por mención doutros, o impacto dos seguintes chíos, os máis famosos da campaña electoral, nos que Feijóo é o gran protagonista.
1. O PÉSAME DE FEIJÓO ÁS FAMILIAS DAS VÍTIMAS DO ACCIDENTE DE TREN NO PORRIÑO
Con 467 rechíos e 367 'gústame', esta mensaxe publicada o 9 de setembro no perfil de Alberto Núñez Feijóo e dirixida ás vítimas do accidente de tren no Porriño é, até o de agora, a que máis impacto acadou en Twitter.
Nuestro pésame a las familias de los fallecidos. Esperanza para los heridos. Suspendemos la jornada de campaña, de acuerdo con el @PSdeG
— Alberto Núñez Feijóo (@FeijooGalicia) 09 setembro 2016
2. MENSAXE DE ANONYMOUS A FEIJÓO
O 14 de setembro, a conta @Anonymous_UE_ —un dos moitos usuarios vinculados ao movemento hacker coñecido como Anonymous— publicou este chío retranqueiro, que acadou 350 chíos e 267 'gústame'.
Hola @FeijooGalicia creo que tienes al enemigo en casa. "Una foto con dos carteles juntos nunca tuvo tanto sentido" pic.twitter.com/JSjTUu0XXi
— Anonymous (@Anonymous_UE_) 14 setembro 2016
3. PODEMOS DÁLLE PULO DENDE MADRID A LUÍS VILLARES
A conta oficial de Podemos publicou este chío o 14 de setembro para darlle pulo á campaña de Luís Villares e En Marea, centrada na corrupción no PP. Con el acadaron 333 rechíos e 393 'gústame'.
El PP perderá un escaño por cada corrupto´y pasarán a la oposición, como bien señala @VillaresLuis de @En_Marea. pic.twitter.com/nPzG2daMB1
— PODEMOS (@ahorapodemos) 11 setembro 2016
4. A SORNA POLÍTICA DE ANTÓN LOSADA
O politólogo galego Antón Losada publicou un dos chíos máis viralizados nesta campaña. Coa súa característica sorna, recordou as amizades perigosas de Alberto Núñez Feijóo coa famosa foto deste nunha embarcación co narcotraficante Marcial Dorado. Con esta publicación, Losada conseguiu 274 chíos e 155 'gústame'.
É increíble que agora que @FeijooGalicia fala do pasado dos outros candidatos ningún teña e saque a foto con Dorado pic.twitter.com/usgwsYHvM0
— Antón Losada (@antonlosada) 12 setembro 2016
5. O MASIVO MITIN DE FEIJÓO E RAJOY EN PONTEVEDRA
A conta oficial do PPdeG tamén conseguiu un gran impacto coa publicación deste chío, o 10 de setembro, no que fachendaban do masivo mitin dos populares na praza de touros de Pontevedra. A mensaxe coa fotografía atraeu 255 chíos e 245 'gústame'.
Esto es Pontevedra. Esto es un mitin de @FeijooGalicia con @marianorajoy ante más de 12.000 personas #EnGaliciaSi pic.twitter.com/pMH8R4c4Xe
— PP de Galicia (@ppdegalicia) 10 setembro 2016
6. A DOR E O PÉSAME DA CANDIDATA DE CIUDADANOS
Con esta mensaxe publicada o 9 de setembro e dirixida ás familias das vítimas do tráxico accidente ferroviario ocorrido no Porriño, Cristina Losada acadou 251 rechíos e 121 'gústame'.
Dolor y pésame a los familiares de las victimas del accidente de O Porriño. Suspendemos la jornada de campaña
— Cristina Losada (@christinalosada) 09 setembro 2016
7. ALBERT RIVERA PRESUME DE EQUIPO
O líder estatal de Ciudadanos publicou o 11 de setembro este chío, no que presume da compaña en Vigo da súa canidadata á Presidencia da Xunta, Cristina Losada, e da deputada no Congreso, Marta Rivera. A publicación conseguiu 243 rechíos e 292 'gústame'.
Dos gallegas competentes y valientes. Un orgullo compartir en #VigoNaranja con @christinalosada y @CiudadanaMartaR pic.twitter.com/s4miOehrX2
— Albert Rivera (@Albert_Rivera) 11 setembro 2016
8. OUTRA VEZ MARCIAL DORADO
O sindalista José M. Amoedo (UXT) recordaba a Feijóo, con este chío, a súa amizade co narcotraficante Marcial Dorado. A mensaxe, publicada o 16 de setembro, logrou 236 rechíos e 101 'gústame'.
@FeijooGalicia:Muchos no olvidamos también viajaste a Ibiza y Cascais con el narco Marcial Dorado https://t.co/4KZBY5CCEx vía @_infoLibreo
— José M Amoedo (@AmoedoCom) 16 setembro 2016
9. POBRES E PARADOS
De novo o sindalista José M. Amoedo situou un chío entre os máis populares. Publicada o 11 de setembro, esta mensaxe, na que criticaba as políticas sociais de Feijóo, acadou 233 rechíos e 76 'gústame'.
56000 parados y mas de 70.000 Pobres @FeijooGalicia combati la crisis junto con mi pueblo me veo con mas capacidad pic.twitter.com/PiCK2YaUBf
— José M Amoedo (@AmoedoCom) 11 setembro 2016
10. "AS FOTOS QUE MOLESTAN A FEIJÓO EN CAMPAÑA"
O 13 de setembro, @carolacaracola5 publicou este chío con dúas fotografías, unha de Feijóo con Manuel Baltar, acusado de presunto suborno sexual, e outra co narcotraficante Marcial Dorado. A publicación acadou 215 rechíos e 61 'gústame'.
As fotos q molestan a @FeijooGalicia en campaña. Apoio a corruptos e amigos narcos. A campaña dura 4 años de goberno pic.twitter.com/zt5588dhGR
— Caracola #EnMarea (@carolacaracola5) 13 setembro 2016
