O CGPJ convoca as presidencias das Audiencias de Alicante, Málaga e A Coruña

A Comisión Permanente do Consello Xeral do Poder Xudicial (CGPJ) acordou este xoves anunciar no Boletín Oficial do Estado (BOE) a convocatoria das presidencias das Audiencias Provinciais de Alicante, Málaga e A Coruña, nos tres casos pola próxima finalización do mandato dos seus actuais titulares.

Tanto no caso do presidente da Audiencia alicantina, Vicente Magro Servet, como no da de Málaga, Antonio Alcalá Navarro; e no da da Coruña, José Luis Seoane Spiegelberg, o mandato de cinco anos para o que foron nomeados expira o próximo 14 de novembro.

Poderán tomar parte na convocatoria os maxistrados con polo menos dez anos de antigüidade na Carreira Xudicial, que partir do día seguinte á súa publicación no BOE terá un prazo de vinte días para remitir as súas solicitudes ao Consello Xeral do Poder Xudicial.

Os candidatos que reúnan os requisitos esixidos na convocatoria serán convocados a unha comparecencia pública ante a Comisión Permanente do CGPJ para expoñer o seu currículo e o seu proxecto para o órgano xudicial que aspiran a presidir.

Posteriormente, o Pleno do órgano dos xuíces someterá a debate e votación as candidaturas e elixirá os novos presidentes das tres Audiencias Provinciais.