#GalizaIsNotSpain cóase na festa da Hispanidade e volve ser o tema máis popular en España

Coma un intruso nunha festa privada, a retranca galega coouse nas celebracións do Día da Hispanidade ao facer da etiqueta #GalizaIsNotSpain tendencia en Twitter en España. Todo un fito se se ten en conta, ademais, que é a segunda vez que este hashtag se coloca, en pouco máis dun mes, como o tema máis popular nesta rede social.

Ao longo deste 12 de outubro, Día da Festa Nacional de España, as mensaxes de exaltación da patria española e de disidentes contrarios a esta celebración dominaron a conversa en Twitter, con etiquetas como #12Oct, #DIADELAHISPANIDAD, #SinRemordimientos1492, #VivaEspaña ou #ArribaEspaña, dun lado, e #NadaQueCelebrar ou #MiPatriaEsLaGente, doutra banda. Pero ninguén agardaba que Galicia se coase con identidade propia nesta festa, e aínda menos tal e como o fixo, co hashtag #GalizaIsNotSpain (Galicia non é España, traducido do inglés).

Porén, esta data —o antigo Día da Raza Española— era máis que propicia para reactivar o #GalizaIsNotSpain despois do enorme éxito obtido o pasado 1 de setembro, cando as contas @AldeansPartido, @TradutorGalego e @arrevesadovideo puxeron en marcha a primeira campaña con esta etiqueta, tirando da retranca que acostuman usar en Twitter, para publicar chíos que "comparasen as diferentes idiosincrasias galega e española", "facer sátira política" e "xerar controversia entre o resto de usuarios", segundo exlicaron por entón a GC estes usuarios. Ningunha data mellor, pois, que a do 12 de outubro para tentar volver ser tendencia en España.

Con todo, desta vez, o certo é que o primeiro chío non foi deles, senón este, publicado ás 12.20 horas.

#12Oct #NadaQueCelebrar #galizaisnotspain pic.twitter.com/G4zXdHgnaQ

— ☭Álex Bastero☭ (@Broken_Oficial) 12 outubro 2016

Sen embargo, non foi até máis de dúas horas despois cando #GalizaIsNotSpain comezou a espallarse pola rede até converterse, arredor das 19.30 horas, no tema máis popular en Twitter España, logo de manterse durante boa parte da tarde entre as principais tendencias nesta rede social, ocupando o primeiro posto até as 22.30 horas, aproximadamente, cando pasou ao segundo lugar entre os coñecidos como trending topics.

Unha vez máis, como sucedeu o 1 de setembro, @AldeansPartido, @TradutorGalego e @arrevesadovideo foron os principais responsables de facer viral esta campaña, á que se foron sumando, outra vez, centos de usuarios galegos a prol, pero tamén moitos internautas doutras partes do Estado críticos coa idea pero que, sen embargo, contribuíron tamén cos seus chíos a facer visible e tendencia en España esta reivindicación da identidade nacional galega.

Comportamento do hashtag #GalizaIsNotSpain comparado con outras tendencias en Twitter España durante o 12 de outubro de 2016 (clic na imaxe para ver máis grande) | Fonte: Trendinalia España

#GalizaIsNotSpain empezou a propagarse a partir deste chío que, usando con sorna a etiqueta #ArribaEspaña, recuperaba o artigo de GC publicado o 2 de setembro sobre a orixe da campaña:

De como #GalizaIsNotSpain chegou a ser TT. #ArribaEspaña @TradutorGalego @AldeansPartido https://t.co/GomjUcXOD7

— Arrevesados (@arrevesadovideo) 12 outubro 2016

Foron moitas e aínda existen as voces que especulan con que estas accións foron deseñadas por forzas políticas nacionalistas. Porén, nada diso houbo, segundo os seus impulsores. "Fainos graza ver que nalgún medio se fala de campaña orquestrada polo independentismo, cando só usamos Twitter pra botar unhas risas", comentaron a GC hai un mes os responsables desta iniciativa. "Nós só puxemos o cancelo nun feixe de chíos, o resto chegou só", engadían para aclarar como se orixinou unha campaña que agora volveu ocupar o primeiro posto das tendencias en Twitter España.

VISUALIZACIÓN DA REDE

GC fixo un seguimento en tempo real das publicacións coa etiqueta #GalizaIsNotSpain, contabilizando case 9.000 tweets entre as 15.45 e as 22.45 horas (tempo de máximo impacto do hashtag). A continuación amosamos uns gráficos coa estrutura da rede creada arredor de #GalizaIsNotSpain, cos nodos (celestes) interconectados por rechíos (RT, en vermello) ou mencións (MT, en verde), e unha nube de palabras clave de todas as publicacións monitorizadas.

Rede de nodos arredor do hashtag #GalizaIsNotSpain en Twitter España durante o 12 de outubro de 2016 (clic na imaxe para ver máis grande) | Fonte: © GConfidencial.

Nube de palabras máis destacadas arredor do hashtag #GalizaIsNotSpain en Twitter España durante o 12 de outubro de 2016 (clic na imaxe para ver máis grande) | Fonte: © GConfidencial.

TWEETS MÁIS POPULARES

Por último, recompilamos as dez publicacións que acadaron máis rechíos e 'favoritos' durante a xornada de onte, entre as que se atopan mensaxes a prol e en contra desta campaña e que contribuíron a que Galicia fose protagonista principal en Twitter no Día da Hispanidade.

Jajajajajaja Jajajajajaja Jajajajajaja Jajajajajaja Jajajajajaja Jajajajajaja Jajajajajaja Jajajajajaja Jajajajajaja #GalizaIsNotSpain pic.twitter.com/HcQyovEmGZ

— Nazagrith (@sinistercaelum) 12 outubro 2016

Desfile nacional #GalizaIsNotSpain pic.twitter.com/dxrwWb2GFz

— Tradutor Galego (@TradutorGalego) 12 outubro 2016

Paella, flamenco, guitarra, toreo

COCIDO, MUIÑEIRA, GAITA, FOLIADA #GalizaIsNotSpain

— Tradutor Galego (@TradutorGalego) 12 outubro 2016

#GalizaIsNotSpain pic.twitter.com/2I85DeWS0g

— Aldeáns (@AldeansPartido) 01 setembro 2016

Ñ:
País dónde La Estelada Está Prohibida
Que Niños y Adultos hagan Apología Fascista Bien Visto#CataloniaIsNotSpain#GalizaIsNotSpain pic.twitter.com/u9YYuJhKY9

— Eric ||*|| (@ericcatalunya) 12 outubro 2016

Si #GalizaIsNotSpain Rajoy no puede ser presidente del gobierno de España... Estoy a muerte con esta causa.

— Dios (@Sr_Dios) 12 outubro 2016

E outros un pouquiño de historia #GalizaIsNotSpain https://t.co/BYQqZrIt7d

— No one (@BelenAraMusic) 12 outubro 2016

Hola, soy un separata gallego. Me acaban de humillar en las elecciones gallegas, pero me dedico a tuitear #GalizaIsNotSpain, jaja #cómomolo

— Luis del Pino (@ldpsincomplejos) 12 outubro 2016

#GalizaIsNotSpain porque pic.twitter.com/DWSBxLIfh5

— Aldeáns (@AldeansPartido) 12 outubro 2016

En el día de la Hispanidad, un grupo de renegados nos regalan este TT. ¡Vamos excelente! #GalizaIsNotSpain pic.twitter.com/pdjP96p2Ko

— Angie ن (@ElDiarioDeAngie) 12 outubro 2016