O pracer na Educación

O sistema educativo español ten o estigma do fracaso escolar e atópase no vagón de cola europeo. O mercado laboral resintese pola falta de cualificación e os vindeiros Presupostos recortan as partidas para a educación e investigación e desenvolvemento. Dito isto, teño que decir que os xóvenes extremeños de entre 14 e 17 anos non deberían preocuparse porque van a ter unha formación sexual avanzada grazas á campaña financiada pola Xunta de Extremadura para difundir técnicas de masturbación...

Por Serafín Martínez | Galicia | 28/11/2009

Incríble, pero certo. O título da campaña, "El placer está en tus manos", xa o di todo sobre a finalidade dun proxecto que lle custa 14.000 euros aos cidadáns, non só de Extremadura, senón de toda España, porque á hora de pedir contas, hai que lembrarse da solidariedade. Podémolo considerar algo totalmente anecdótico, pero penso que non o é, porque se suma a esa cadea de fondos malversados polas administración públicas para proxectos totalmente inútiles dende o punto de vista social. Ao mal gusto da campaña hai que unirlle a invasión pública da esfera mais íntima dos mozoas, invadindo un espazo propio da educación familiar, como é a sexualidade, que ademais, en esta iniciativa da Xunta extremeña, é enfocada dende unha perspectiva puramente amoral. Por si houbera algunha dúbida, os contidos da campaña foron subcontratados a unha tenda de productos eróticos chamada "os placeres de Lola", marca comercial que non remite a unha institución docente. Pero como se xustifican os promotores desta campaña?... Pois o Consello de Xuventude e o Instituto da Muller co argumento da loita contra os "estereotipos" e a "discriminación de xénero". En fin, que non termino de atoparlle a relación de todo isto coa masturbación. Igual se debería preocupar máis pola violencia de xénero e reflexionar sobre a perda de valores que conduce a falta de respecto entre os homes e mulleres.