Os vixiantes de Segur Ibérica na Universidade da Coruña suman tres nóminas sen cobrar
O sindicato USO denuncia a "pasividade" da universidade coruñesa, á que acusa de "non actuar coa responsabilidade debida".
Por Galicia Confidencial | A Coruña | 12/01/2017 | Actualizada ás 12:52
Os vixiantes de seguridade das instalacións da Universidade da Coruña, pertencentes á empresa de seguridade Segur Ibérica, "levan meses acudindo ao seu posto de traballo sen percibir os seus salarios". Así o denuncia o sindicato USO.
O secretario de organización da Federación de Seguridade de USO, Iván Blanco, critica a "pasividade e falta de compromiso na solución do conflito" por parte da Universidade da Coruña, ante a crítica situación na que se atopan estes traballadores, aos que que xa se lles deben tres nóminas, segundo o sinficato.
Blanco tamén recrimina aos responsables da universidade por "non actuar coa responsabilidade debida" e "contratar a outra empresa de seguridade para as súas instalacións, rescindindo de inmediato o contrato con Segur Ibérica por incumprimento do mesmo".
