"O antisemitismo, un odio bimilenario". Por Jon Iñarritu, de EH Bildu
En Europa, en pleno século XXI, seguen morrendo xudeus polo feito de seren xudeus.
Por GalizaIsrael (http://www.galiza-israel.org) | GC ABERTO | 06/02/2017
Con motivo do Día Internacional de Conmemoración en Memoria das Vítimas do Holocausto que tivo lugar o pasado día 27 de xaneiro, un representante da comunidade xudía que acudiu ao acto do Eusko Legebiltzarra-Parlamento vasco, sinalou que en Europa, en pleno século XXI, seguían morrendo xudeus polo feito de selo. Motivos para a alarma?
Lamentablemente si, as cifras facilitadas pola Axencia Europea de DD.HH, en 2013, desvela datos moi preocupantes sobre a pervivencia deste odio bimilenario. Sinala Gustavo Perednik, na súa obra "A Natureza da xudeofobia", que os "xudeus foron odiados en sociedades pagás, relixiosas e seculares. Foron acusados por ser: comunistas, capitalistas, de ter dobres lealdades, racistas, ricos, míseros ostentosos, avaros, cosmopolitas sen raíces, ou chauvinistas étnicos, quintacolumnistas, ou vivir encerrados". Como vemos, para os "haters" non faltan escusas para deshumanizar e demonizar a unha comunidade en base a libelos e mitos falsos como os do "conspiracionismo e o control mundial", difundidos desde diferentes ideoloxías
