As rutas do Monte Pindo serán as primeiras en aparecer no Google Street View

Serán 26 rutas, cun total de 110 quilómetros que discorren polo 'Olimpo Celta'.

Por E.P. | SANTIAGO DE COMPOSTELA | 11/02/2017 | Actualizada ás 19:58

Comparte esta noticia

As rutas de sendeirismo que discorren polo Monte Pindo, situado no municipio coruñés de Carnota, serán as primeiras sendas que aparecerán na plataforma Google Street View.

Realizando un mapeo cunha mochila Trekker de Google
Realizando un mapeo cunha mochila Trekker de Google | Fonte: Monte Pindo

A Asociación Monte Pindo e Google asinaron un convenio de colaboración que conta co apoio do Concello de Carnota para o "mapeo" das rutas, que terá lugar o próximo mes de abril.

Deste xeito, a compañía autorizou ao colectivo veciñal a usar "a mítica mochila Trekker" para percorrer as 26 rutas que discorren polo 'Olimpo Celta', que suman un total de 110 quilómetros, segundo informou a propia Asociación Monte Pindo a través dun comunicado.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta