Temas: ROSALíA DE CASTRO BNG PARLAMENTO

O BNG conmemora con camisolas reivindicativas os 180 anos do nacemento de Rosalía

Ana Pontón arrincou a súa intervención no Pleno coa lectura duns versos do poema 'A xustiza pola man'.

Por E.P. | SANTIAGO DE COMPOSTELA | 21/02/2017 | Actualizada ás 11:38

Os deputados do BNG conmemoran no pleno do Parlamento galego, que comeza este martes, os 180 anos do nacemento da poetisa Rosalía de Castro (1837-1885) con camisetas coa imaxe da autora de 'Follas Novas', así como coa lectura de versos.

Previamente ao comezo do pleno, na biblioteca da Cámara, os deputados realizaron un acto simbólico, coa portavoz do Bloque, Ana Pontón, á cabeza, no que reivindicaron a figura de Rosalía de Castro mentres portaban libros da escritora.

A intervención de Ana Pontón no debate sobre a apertura dunha comisión de investigación parlamentaria do accidente de Angrois arrincou coa lectura duns versos do poema 'A xustiza pola man', os mesmos que portan os deputados nacionalistas nas súas camisetas.

Precisamente, neste pleno o BNG preguntará ao Goberno galego sobre que medidas ten previsto tomar para garantir a titularidade e o uso civil do Panteón de Galegos Ilustres.

Temas: ROSALíA DE CASTRO BNG PARLAMENTO

3 Nefelibata

Longa vida a Galicia e aos galegos e ánimos aos compañeiros e compañeiras que non renegan nin da lingua nin do valor dos seus. Nós sabemos, aínda, quen é Rosalía porque entendemos moi ben a súa rabia e dor. Nin nos destruistes, nin nos destruiredes en tanto en nós alume unha luciña do espíritu dos carballos e dos piñeiros. Feliz día de Rosalía. A nós non nos fai falla lembrar á Kollontai, témolas a miles: as nosas nais e avoas, Rosalía e tantas afoutas mulleres galegas. Propoño ampliar o Día de Rosalía e convertelo no Día de Rosalía e a Muller galega.

2 Nefelibata

Vós non sabedes o que é a heroicidade de saír adiante cun soldo miserable ou temer polo futuro dos vosos fillos e parentes. Vós non sabedes o que é ser aldraxada de pequena por falar na túa lingua e que agora algúns dos que o facían lles falen aos seus fillos nesta por moda e aspiración de seren eternos parvenus. Vós non sabedes o que é a diferenza entre valor e prezo e por isto escoitades os cantos de sereas tan facilmente e contribuístes a romper o soño que empezou uns anos antes da morte de Rosalía. Vós tentastes destruilo e eu nunca o hei de esquecer.

1 Nefelibata

Eu quérolles dedicar aos mareantes e a Nostrus un poema de Las orillas del Sar: "Los robles". Onde Rosalía deixa ben claro, neste caso en castelán, como amaba a súa terra onde a min me quixeron facer estranxeira por falar a lingua de meus pais. "Torna, roble, árbol patrio, a dar sombra cariñosa a la escueta montaña donde un tiempo la gaita guerrera alentó de los nuestros las almas y compás hizo al eco monótono del canto materno, del viento y del agua, que en las noches del invierno al infante en su cuna de mimbre arrullaban. Que tan bello apareces, ¡oh roble! de este suelo en las cumbres gallardas y en las suaves graciosas pendientes donde umbrosas se extienden tus ramas, como en rostro de pálida virgen cabellera ondulante y dorada, que en lluvia de rizos acaricia la frente de nácar. ¡Torna presto a poblar nuestros bosques; y que tornen contigo las hadas que algún tiempo a tu sombra tejieron del héroe gallego las frescas guirnaldas!"