A CORUÑA | 16/03/2017 | Actualizada ás 19:30 por EUROPA PRESS
A Deputación da Coruña está a levar a cabo en centros escolares da provincia o programa socioeducativo 'Suprime o control' que busca informar sobre a violencia de xénero e actuar para previla.
Así o expuxo a responsable da área de Igualdade e Servizos Sociais da Deputación, Ánxela Franco, que fixo balance das actuacións levadas a cabo mediante este programa.
Previamente a elas, elaborouse un estudo entre os escolares dos 14 concellos que participan nel e que pertencen ás comarcas de Arzúa, Bergantiños, Ordes, Santiago e Sar.
CONCLUSIÓNS
Entre as súas conclusións, está que os mozos rexeitan as prácticas sexistas, pero descoñecen que é exactamente a violencia de xénero. Tamén ven os celos e o control por whatsapp "como algo propio do amor romántico", expuxo a deputada provincial.
Dirixido a escolares de entre 14 e 16 anos, o programa incluíu actividades cos menores nos que, entre outras cuestións, abórdase como desmitificar o amor romántico ou como regular as emocións. Nunha última fase, iniciaranse agora encontros coas familias.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.