SANTIAGO DE COMPOSTELA | 21/03/2017 | Actualizada ás 06:31 por EUROPA PRESS
A Fiscalía pide catro anos de cárcere para dous homes, J.G.V. e R.O.M., acusados dun delito de apropiación indebida, tras quedar supostamente con máis de 700.000 euros dunha venda de catro vivendas, e que serán xulgados pola Sección Quinta da Audiencia Provincial de Pontevedra, con sede en Vigo, este martes e mércores.
Segundo o escrito de acusación pública, os acusados chegaron a un acordo con outra persoa para venderlle catro pisos dunha promoción, aínda por desenvolver, na rúa Peregrina de Vigo. Así, en marzo de 2006, asinaron un contrato de reserva de compra, polo que os prexudicados adiantaron 30.000 euros.
Poucos días despois formalizouse o contrato de compravenda do catro vivendas, polas que se pactou un prezo de algo máis de 2 millóns de euros, que se pagarían en diversos prazos.
Pero antes de que comezasen a construción dos pisos, mesmo antes de que finalizase a demolición do edificio antigo que ocupaba o solar, as obras foron paralizadas.
En abril de 2007, os acusados venderon o solar a outra empresa, que non desenvolveu a promoción, e non informaron aos prexudicados nin lles reintegraron o diñeiro que xa pagaran.
Por estes feitos, a Fiscalía acúsalles dun delito continuado de apropiación indebida, e pide para cada un deles 2 anos de cárcere. Así mesmo, reclama que ambos indemnicen conxunta e solidariamente aos prexudicados en 709.677,56 euros máis intereses.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.