O show de Domínguez

Adolfo Domínguez, tal e como fixeron algúns estudantes que padecían a Universidade franquista, creu atopar na Franza dos anos sesenta do pasado século unha parte do paraíso que habitaba nas súas cabezas de rebeldes incomprendidos.Seguramente alí coñeceu o movemento “Dadá” promovido por Tristan Tzara e talvez presenciou algún dos espectáculos que organizaban na rúa para “épater le bourgeois”.Semella que esa pegada biográfica pode explicar o seu particular manifesto polo despido libre proclamado o pasado mércores en Compostela.As súas palabras non estaban pensadas para deixar indiferentes aos espectadores, fosen ou non burgueses.Quería escandalizar e provocar unha singular atención mediática.

Por Xesús Veiga | Santiago | 06/02/2010

Comparte esta noticia

Mentres Botín anunciaba a obtención duns beneficios históricos para o seu banco, o empresario Domínguez optaba por imitar o surrealismo dos “dadaístas” e predicaba as bondades dun catecismo liberal que non tivo a ben practicar na súa actividade empresarial.Quixo exercer de “enfant terrible” do mundo económico e descualificou a políticos, funcionarios, profesores e asalariados.Todos foron culpábeis da crise.Todos...menos os banqueiros e financeiros.Para eles non houbo reproches a pesar da evidente cobiza que caracterizou a conduta dos grandes operadores norteamericanos e europeos.

O presidente Feijoo estivo de corpo presente no espectáculo, mantendo ese ruidoso silencio que exhibe dende a súa chegada a San Caetano.De economía só emite unha consigna:as reclamacións hai que presentalas diante do goberno central.
 

Adolfo Domínguez conseguiu o que pretendía:que as súas “boutades” ocuparan, por unhas horas, o centro da atención pública, competindo mesmo cos superbeneficios de Botín, o recurso contra a Lei galega de Caixas ou a caída da Bolsa española.¿E Feijoo?¿Qué obtivo o presidente da Xunta co seu papel de acompañante do “showman”?Agardamos a resposta dos asesores de Montepío.Eses que lle dixeron que o aldraxe do Estatuto de Autonomía ocorreu hai 25 anos cando, en realidade, tivo lugar en 1979.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Xesús  Veiga Buxán Licenciado en CC.EE. pola Universidade de Bilbao. Profesor –dende o ano 1974- no Departamento de Organización de Empresas e Comercialización da Facultade de CC.EE. da USC. Dirixente do MCG. Posteriormente, foi dirixente de Inzar.Foi deputado polo BNG no Parlamento galego dende 1993 ao 2005. Dende Setembro do ano 2005 ate o mes de Abril do ano 2009 foi asesor para asuntos económicos no Gabinete da Vicepresidencia da Igualdade e do Benestar da Xunta de Galicia.