OURENSE | 22/04/2017 | Actualizada ás 19:38 por EUROPA PRESS
Axentes da Policía Nacional detiveron a un home acusado dun delito de tráfico de drogas por instalar unha plantación 'indoor' de marihuana, con máis dunha vintena plantas, nun piso céntrico da cidade.
Segundo informou este sábado a Policía Nacional, no domicilio do home os axentes se incuataron de 23 plantas de marihuana, outras tantas secas preparadas para a venda e consumo, e numerosos utensilios para o cultivo, plantación, conservación e recollida da droga.
Ademais, tamén se lle requisaron diversos aparellos de iluminación, refrixeración, termostatos, medios de ventilación e outros efectos utilizados para a conservación adecuada e cultivo da mesma.
A Policía explicou que a instalación se subministraba de enerxía a través dun enganche ilegal, preparado para defraudar enerxía do tendido xeral establecido pola compañía de electricidade. Tamén utilizaba o mesmo sistema para proverse ilegalmente da auga necesaria para o funcionamento da plantación.
O detido é un home de trinta e dous anos de idade, natural de Ourense e cónstanlle antecedentes policiais por realizar anteriormente, actividades de cultivo e elaboración ilegal de substancias estupefacientes. O home, que pasou a disposición xudicial o venres, quedou en liberdade con cargos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.