Pais separados recollerán firmas este sábado en Ourense en apoio á súa ILP de custodia compartida

A Asociacón Galega de Pais e Nais Separados recollerán firmas este sábado en Ourense, 10 de xuño, en apoio á Iniciativa Lexislativa Popular (ILP) en favor da custodia compartida en separacións.

O pasado fin de semana esta asociación informou de que xa alcanzara as 10.000 firmas necesarias para presentar a ILP, pero continúa na súa campaña. O día 16 de xuño finaliza o prazo dado pola xunta electoral de Galicia para a recollida de firmas para a proposición de lei.

Así, instalarán unha mesa na Rúa do Paseo, en Ourense, co fin de conseguir a coparentalidade, tal e como xa se conseguiu nas comunidades de País Vasco, Navarra, Aragón, Cataluña e Valencia.

Ademais, lembra que neste momento son xa 25 concellos galegos que apoian á tramitación da lei coa representación de diversos partidos.