Chuza morre de éxito?

A rede social, que chegou a ter máis de 6.000 usuarios únicos diarios de media, fecha tras revolucionar a información da rede en galego.

Por Galicia Confidencial | | 24/07/2010 | Actualizada ás 13:20

O día que naceu Chuza só tivo 25 usuarios únicos. Era o 20 de febreiro de 2006 e botaba a andar o primeiro portal de información en galego no que os internautas, cos seus envíos e votos, decidían a importancia das noticias.

A fórmula, copiada como o código do español Meneame.net, funcionou. Chuza! converteuse nun fervedoiro de noticias, a miúdo novas procedentes de blogs á marxe da visión tópica dos grandes medios de comunicación.

Os 25 usuarios únicos superaban os 6.000 un ano despois. Os xornalistas comezaban a acudir a Chuza! para adiantarse á actualidade, en particular do nacionalismo.

E é que o feito de estar en galego axudou a que Chuza!, segundo recoñeceu o seu creador Berto Yañez, a converterse nun foro de referencia para os galeguistas.

Esta característica, clave do seu éxito, terminou por ser un factor na súa morte, anunciada hoxe por Yañez. A diversidade ideolóxica das noticias subministradas e votadas polos cidadáns minguou e moitos internatuas abandonaron o portal ou convertéronse en usuarios pasivos. Porén, Chuza! seguiu mantendo unha considerábel audiencia, a miúdo este ano por riba dos 3.000 visitantes únicos.

Unha base de lectores que non é suficiente para captar publicidade ao webmaster de Chuza!, socio e coordenador da axencia A Navalla Suíza. Chuza! deixou hai meses de publicar publicidade. Berto Yañez levaba meses sen incorporar funcionalidades ao portal, como si fixeran moitos dos seus “familiares” no Estado e outras autonomías. E finalmente hoxe, ao rebufo do anuncio da fin de Vieiros, anunciou o seu feche o 25 de xullo.

Yañez tentou que o proxecto non morrese, traspasando o portal a algún colectivo ou asociación. Ninguén aceptou até o de agora a responsabilidade técnica e legal de darlle servizo a unha comunidade de usuarios tan grande. O webmaster sigue intentádoo. "Calquera iniciativa que xurda e sexa representativa da comunidade actual será enlazada visiblemente ao acceder a chuza.gl no futuro", promete Ber.to.

16 Gamela

O personalismo do señor Berto é incríble! Mesmo no último rss de peche da Chuza ten a desfachatez de misturar VIEIROS + CHUZA. Elixiu o día e a hora precisas para ter aínda máis protagonismo a pesares de que a morte máis terribel é, sen dúbida, a de VIEIROS. http://chuza.gl/historia/as-webs-ga... Xa sabiamos que Berto é un magnífico 'comunicador' pero aproveitarse da morte de VIEIROS para mellorar o IMPACTO do peche de Chuza paréceme moi mezquino pola súa parte. Saúde.

15 Erasmo

Berto promete máis non cumpre! E senón basta ver o WIKI que disque sigue aberto pero debe ser aberto para os catro amigos co fundaron. http://wiki.chuza.org/wiki/Politica Polas súas obras os coñeceredes... Alguén viu algunha vez na súa vida un WIKI colaborativo pechado durante anos ??? Por mín que se meta Chuza por onde máis lle guste e xa vai sendo hora de deixarnos de tanto PERSONALISMO do carallo.

1 raxozorza

Erasmo, a ti o que che fastidia é que os teus posicionamentos a favor de Galicia Bilingüe (como membro que eres desa "organización" en contra do idioma galego) nunca foran ben recibidas entre os chuzeiros (como é natural, por certo)

2 Borja Estévez

Benvidos ao nova GaliciaConfidencial Chuza! Coas mellores polémicas -xa previsibles- entre galiciabilingüistas, chuzeiros reintegratas, chuzantes de a pé e anónimos mordéndose as unllas por non poder replicar a todos! Morra o conto. Chuza! descansa en paz! e tanta gloria deixes como bo humor levas!

14 plural

Os cidadáns canto mellor informados mais libres. Chuza e os seus usuarios tiñan defectos, con certeza, mais ninguén obrigaba nen obriga a entrar en chuza ou en calquera outra web, como non podia ser doutro xeito. Asi, isto só pode ser unha boa nova para aqueles que gostan da prensa subvencionada afin a quen é afin. Que o gozen. Poucos meses fican para 1984.

13 Manu

Todos seremos máis pobres sen Chuza e sen Vieiros. Tamén os trolls que se dedicaban a comentar só para amolar nestas páxinas. Que será deles agora? pobriños. Tamén é certo que ultimamente Chuza parecia, a veces, un valado publicitario exclusivo das teses lusistas. E que conste que eu comparto moitas das teses do reintegracionismo e me parecía ben que se mandasen novas de medios en portugués. O que non me gustaba era o extremismo dagúns que querían botar fóra a usuarios galeguístas, simplemente por non ser da súa banda. En calquera caso Chuza era o que os seus usuarios (dependendo da súa actividade) querían.

1 gelo

Vamos, sentidinho. Gostava de saber quais esses galeguistas que se tentou botar fóra: raxozorza, ofillodeclarck, pabltoelmalo, colazo, galizanafronte, lunet, tximbalee e um longo etc. que querem volva Chuza? Eu nunca tivem grande êxito em chuza porque, simplesmente, a maioria tinha outros interesses e simpatias mas nom ando a chorar por aí por nom ser o rei del mambo numha rede social. Nom o digo por você, mas isso existe.

12 gelo

Só ver as fontes de Chuza! deste mês: Xornal, Vieiros ANT e El Pais principalmente. Pode-se ver umha tendència para a esquerda nada estranha no galeguismo. Mesmo assim chegavam à capa os artigos do Cuíña e do Padín. Eu nunca votarei por Converxencia XXI mas tenho enviado artigos - poucos - do Padín porque me pareciam de certo relevo para a Galiza. E os chuceiros, mui poucos, que simpatizavam com essa organizaçom estavam com todos nós, com gente que acreditava que estar informado em galego é precisso. Um pouco de sentidinho, nem havia tantos lusitas em Chuza! Havia, sim, notícias em português nomeadamente de política internacional, divulgaçom científica e lercheio. Notícias enviadas, também!, por gente que utilizava o galego RAG. Antes essas notícias estavam limitadas ao espanhol e cuido que isso nom era o melhor para o galego, independentemente da normativa. Enfim, Chuza! fijo umha diferença.