Por GC Emprende | A Coruña | 20/07/2017 | Actualizada ás 09:00
Este xoves presentouse un novo programa de emprendemento. StartUps R, busca conectar a capacidade de innovación da operadora R con startups, aceleradoras, clientes e sectores produtivos para promover a innovación e o emprendemento en Galicia.
R dará prioridades a proxectos como o Internet das Cousas, intelixencia artificial, wifi e 5G, ciberseguridade, industria 4.0 e novos contidos. Tamén en áreas como o fogar dixital, dispositivos intelixentes, coche conectado, smart cities, ehealth, big data, ou analítica avanzada de datos, entre outros. A través desta iniciativa achegaráselles aos participantes apoio con servizos, equipamento e formación para que poidan desenvolver os seus proxectos tecnolóxicos.
O programa StartUps R apoia as iniciativas que teñan recibido aprobación por parte das aceleradoras implicadas, entre elas, Abanca Innova, Business Factory Auto (BFA), Conector Galicia, Incuvi Emprende, Viagalicia e Zarpamos, e nel poden entrar os proxectos incluídos nos últimos 3 anos neses programas de apoio. Hai máis información sobre os requerimentos no portal desta iniciativa.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.