SANTIAGO DE COMPOSTELA | 26/07/2017 | Actualizada ás 16:46 por EUROPA PRESS
O alcalde de Dumbría, José Manuel Pequeño Castro, expresou a súa satisfacción pola decisión da Xunta de denegar a Ferroatlántica a segregación das súas actividades industriais e enerxéticas, pero apelou a abrir vías de diálogo coa empresa.
"Temos unha veciñanza compartida. Non podemos estar en guerra permanente. Hai que sentar e dialogar", afirmou en declaracións a Europa Press, o rexedor de Dumbría, quen recibiu a chamada do presidente da Xunta, Alberto Núñez Feijóo, para confirmarlle a decisión.
Na súa opinión, a empresa "expuxo moi mal desde o principio" as súas pretensións e presentouse "en plan ameaza", pero "iso non leva a ningún lado" e agora é preciso "restablecer o diálogo e a confianza". Así, resaltou que se a empresa quere levar a cabo investimentos nunha comarca "tan deprimida como a Costa da Morte", na zona están "abertos a iso".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.