Spin Way presenta os cinco mellores proxectos
Nesta edición participaron 30 mozos de 14 países iberoamericanos.
Por GC Emprende | Compostela | 12/09/2017 | Actualizada ás 10:00
Os 30 mozos e mozas universitarios de 14 países de Iberoamérica que participan en Spin Way 2017 chegaron este luns a Santiago logo de cinco días de aventura emprendedora no Camiño de Santiago. Superado o reto na ruta xacobea, os emprendedores enfrontaronse a un último desafío para defender os seus proxectos ante un xurado nunha competición de Pitch no Edificio Emprendia.
As persoas finalistas, elixidas polos seus propios compañeiros segundo as pautas marcadas polos mentores, foron José Javier Casal Pérez, da USC, coa proposta Mobilitrust; Gaston Rafael Legnani Aguirre, da Universidade ORT de Uruguay, co proxecto Krowth; Ana Vanessa Aguilar Paredes, da Universidade Concepción de Chile, con Symbiosis; Giselle Mendoza Rocha, do Instituto Tecnolóxico de Monterrey de México, con GECO; e Daniel Zaragoza Rodríguez, da Universidade mexicana de Guadalajara, con Endoshot.
A Universidade de Santiago de Compostela (USC), en colaboración con RedEmprendia, o Organismo Internacional de Juventud para Iberoamérica (OIJ) e o Instituto de la Juventud de España (Injuve) impulsan esta segunda edición de Spin Way, que conta tamén coa colaboración de Uninova, Xacobeo Galicia e Visualiza Business. Trátase dunha experiencia que aspira a transformar os seus proxectos en iniciativas de éxito, xerar lazos de amizade e cooperación para o futuro entre mozos/as de toda a rexión iberoamericana e favorecer a implementación do Pacto Iberoamericano de Juventud.
