Avistan unha balea azul preto da Illa de Ons
O Bottlenose Dolphin Research Institute (BDRI), con sede no Grove, confirmou nas súas redes sociais o avistamento dunha balea azul fronte á costa galega, a unhas 11 millas da Illa de Ons, da que publicou varias fotos.
PONTEVEDRA | 21/09/2017 | Actualizada ás 21:53 por EUROPA PRESS
O Bottlenose Dolphin Research Institute (BDRI), con sede no Grove, confirmou nas súas redes sociais o avistamento dunha balea azul fronte á costa galega, a unhas 11 millas da Illa de Ons, da que publicou varias fotos.
Os investigadores estaban a realizar unha exploración para recoller datos sobre golfiños cando avistaron o cetáceo.
En declaracións á Radio Galega, recollidas por Europa Press, un investigador do centro resaltou a relevancia deste avistamento, dado que non é habitual ver esta especie na costa galega.
O exemplar avistado preto de Ons este mércores medía uns 24 metros e noutra entrada do seu perfil de Facebook, os investigadores do instituto inciden no "incrible" día vivido en "as marabillosas augas galegas".
En concreto, destacan o avistamento da balea azul, pero tamén doutras baleas de diferentes características e golfiños, entre outras especies.
