Piden que Marcial Dorado compareza no Senado
Outro narcontraficante condenado, Laureano Oubiña, tamén figura nunha petición de relación de comparecentes na Comisión de Investigación sobre as finanzas dos partidos.
Por Galicia Confidencial | Compostela | 22/09/2017 | Actualizada ás 10:35
Unidos Podemos solicitou este mércores que dous narcotrificantes galegos con vínculos co PPdeG, Laureano Oubiña e Marcial Dorado, comparezan na Comisión de Investigación do Senado sobre o financiamento dos grupos políticos.
A confluencia reacciona así a proposta de peticións do PP, no que figuran o xornalista Eduardo Inda e varias cargos do Goberno de Venezuela. As peticións dos conservadores poden chegar a bo porto, dado que teñen a maioría na Cámara Alta.
De feito, a creación desta Comisión interpretouse como a resposta do PP á Comisión de Investigación sobre as súas finanzas no Senado. A petición de comparecencia dos narcotraficantes foi rexistrada por un senador de En Comú Podem, Óscar Guardingo.
