Temas: LUMES INCENDIOS

Galicia berrará este luns “Lume Nunca Máis!”

O Comité de Defensa do Monte Galego convoca “concentracións urxentes” ante a vaga de lumes que está a arrasar o país. Polo de agora hai protestas previstas en dezaseis localidades distintas. Piden a dimisión do presidente. Horarios no interior.

Por Galicia Confidencial | Santiago de Compostela | 16/10/2017 | Actualizada ás 08:29

Os lemas escollidos son “Lume Nunca Máis”, en recordo ás protestas polo Prestige, e “O noso monte importa”.Todas as concentracións comezarán ás 20 horas:

Ourense - Casa de Chocolate
Vigo - Diante do Marco
A Coruña - Obelisco
Compostela - Praza do Toural
Lugo - Edificio Multiusos da Xunta
Pontevedra - Praza da Peregrina
Ferrol - Praza de Amada García
Cangas - Praza do Concello
Monforte - Praza de España
Ribeira - Praza do Concello
Cambados - Praza do Concello
Lalín - Praza de Lóriga
As Pontes - Diante do Concello
O Carballiño - Praza Maior
O Barco - Diante do Concello 19h
Madrid - Porta do Sol

O colectivo rexeita a explicación da Xunta de que o monte arde debido a condicións climatolóxicas e a acción dos incendiarios. Na súa opinión “o lume no noso país pódese evitar porque outra política forestal é posible”. De feito, o Comité é unha plataforma que reclama tanto un cambio na loita contra o lume como na política agro-forestal.

“Consideramos inadmisible a resposta loxística e de comunicación que está a dar a Xunta de Galicia e solicitamos a dimisión urxente do presidente Feijoo”, conclúen.

Temas: LUMES INCENDIOS