Por Galicia Confidencial | Ponteareas | 19/10/2017 | Actualizada ás 10:25
O Concello de Ponteareas xa subministra auga potable aos veciños da traída de augas augas de Casal, en Guláns. Nestes intres tamén traballa nas posibles vías de subministración de auga á traída de augas do barrio de Porto, en Guláns, xa que foi imposible o acceso da cisterna á zona do depósito. Segundo informa, o consistorio tamén está a proceder á retirada de árbores da estrada do barrio da Ermida, en Pías e atende ás chamadas dos veciños e veciñas afectados polos incendios.
De feito, nos vindeiros días, o alcalde e varios concelleiros visitarán as parroquias e zonas afectadas para avaliar os danos producidos polos incendios para, entre outras xestións, trasladarllos ao Presidente da Xunta de Galicia. Cos datos recollidos dos danos desta catástrofe o alcalde de Ponteareas demandará os apoios necesarios ao Presidente do Goberno, Mariano Rajoy, e ao Presidente da Xunta, Rafaél Núñez Feijoó, tal e como xa fixo o pasado luns día 16 no encontro mantido no posto de mando de Pazos de Borbén.
A partir deste xoves, o Concello de Ponteareas habilitou xa un número de teléfono e un enderezo electrónico para atender aos afectados e afectadas polos incendios; ademais no concello haberá unha persoa para atender aos cidadáns que prefiran achegarse ata a casa do concello.
O concello de Ponteareas está a organizar diferentes encontros con voluntarios e veciños para recollida de información e avaliar a posibilidade de traballar de xeito conxunto con propietarios, comunidades de montes, comunidades de augas e todo aquel interesado na recuperación dos terreos afectados. Demandará os apoios necesarios para paliar esta situación de catástrofe
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.