Convocadas manifestacións en Galicia en solidariedade cos membros do Govern catalán en prisión
O lema é "Democracia e liberdade: contra o golpe de Estado do 155 e polo dereito de autodeterminación".
- Junqueras e sete consellers cataláns, a prisión
- “Vergoña” de democracia española, principal reacción en Galicia ao auto de prisión para o Govern catalán
Por Galicia Confidencial | Santiago de Compostela | 02/11/2017 | Actualizada ás 21:03
O auto de prisión para nove políticos que foron membros do Govern de Cataluña antes de seren destituído polo Goberno central causou este xoves unha marea de mensaxes de solidariedade con eles dende Galicia. Unha solidariedade que se quere traducir en manifestación viva do pobo galego nas rúas este venres.
Co lema "Democracia e liberdade: contra o golpe de Estado do 155 e polo dereito de autodeterminación", distintas forzas políticas e colectivos nacionalistas do país chaman aos galegos a particicipar nas concentracións convocadas ás 20.00 horas deste venres nas principais cidades galegas.
Os lugares elixidos son: Vigo (Farola de Príncipe), A Coruña (Subdelegación do Goberno), Santiago de Compostela (Praza do Toural), Ferrol (Praza Amada García), Lugo (Subdelegación do Goberno), Pontevedra (Praza da Peregrina) e Ourense (Subdelegación do Goberno).
#Llibertatpresospolitics #GalizaConCatalunya Este venres saimos pq todas nos xogamos moito, x liberdade e a democracia,solidariedade e raiba pic.twitter.com/XgwBa0TQaN
— Galiza Contrainfo 🔥 (@gzcontrainfo) 02 novembro 2017
