Temas: PETRóGLIFO

A Xunta di que só un petróglifo resultou afectado pola vaga de lumes de outubro

A Web Historia de Galicia dá conta de máis conxuntos afectados no Val Miñor, Pontecaldelas, Amoeiro ou Pazos do Borbén.

Por Galicia Confidencial | | 17/11/2017 | Actualizada ás 10:00

Comparte esta noticia

A directora xeral de Patrimonio Cultural, María del Carmen Martínez Ínsua, sostivo este xoves que só un entre a decena de petróglifos analizados polos técnicos de cultura sufriu danos por mor dos incendios que arrasaron Galicia o pasado mes de outubro.

Petróglifos queimados no Monte Mauxo, entre Vigo e Nigrán
Petróglifos queimados no Monte Mauxo, entre Vigo e Nigrán | Fonte: Ángel de Prado

Un conxunto destacable integrado por varias rochas si presenta afectación no gravado e desprendementos na rocha por culpa das altas temperaturas”, dixo sen apuntar de que estación estaba falando.

“Está en observación“, manifestou, mentres sinalou que polo momento foron supervisados por técnicos algo máis dunha decena de xacementos. En concreto, apuntou que estes bens non sufriron danos significativos a pesar de que a súa contorna está “totalmente queimada”.

Afectación no Val Miñor

Con todo, requiriu información de concellos e asociacións para seguir coas comprobacións. Segundo información chegadas á Web Historia de Galicia habería moitos máis petróglifos afectados en Galicia pola vaga de lumes e mesmo amosan fotos. No Val Miñor, Pazos de Borbén, Amoeiro ou Pontecaldelas varios conxuntos resultaron moi danos. Máis en HdG.

Temas: PETRóGLIFO
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 anonimo

¿Desde cando lle importan ao goberno da Xunta os petroglifos ou outros bens do noso patrimonio histórico? Para unha ideoloxía neoliberal, o que non poida venderse directamente ou atraer milleiros de turistas non é de interese algún. E inda así...