SANTIAGO DE COMPOSTELA | 18/01/2018 | Actualizada ás 21:24 por EUROPA PRESS
A directora de Turismo de Galicia, Nava Castro, presentou este xoves en Fitur a nova marca Club da auga de Galicia, que aúna experiencias de turismo náutico e mariñeiro, termalismo, Camiño de Santiago e paradores.
Esta nova marca, presentada no expositor de Galicia na feira de turismo que se celebra en Madrid, busca impulsar propostas sustentables e planificadas que contribúan a atraer visitantes durante todo o ano á Comunidade.
No marco desta iniciativa inclúense a Ruta dos Faros de Galicia, a Ruta do Miño de Parador en Parador, así como propostas nos balnearios galegos e travesías náuticas pola ría de Arousa que rememoran a 'traslatio' do corpo do Apóstolo até Galicia por mar.
Durante a presentación, Nava Castro destacou que esta iniciativa "aposta pola calidade e planificación, o respecto pola contorna, o compromiso pola sustentabilidade e a posta en valor dos recursos naturais".
Todo iso co fío condutor da auga, coa participación da Asociación de Balnearios de Galicia, nun sector que conta con 3.000 prazas hostaleiras.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.