Un barco captura en Arousa unha costela de balea
O óso, recollido a 60 metros de profundidade polo 'Gran Solero 5', será doado ao acuario do Grove.
- Biólogos reclaman estudos sobre a presenza da balea azul en augas galegas
- Galicia está a converterse nun paraíso para as baleas: 60 exemplares vistos en mes e medio
- “A presenza de baleas azuis confirma que as augas galegas están entre as máis ricas do mundo”
Por Galicia Confidencial | O Grove | 23/01/2018 | Actualizada ás 11:53
As baleas seguen sendo protagonistas en augas galegas. Tras varios sorpredentes avistamentos nos últimos meses de exemplares de balea azul —o animal máis grande do planeta—, agora un barco do Grove, o Gran Solero 5, capturou unha costela de balea de enormes dimensións.
O óso foi atopado no medio dos aparellos, lanzados a 60 metros de profundidade no mar para a pesca. As fotos do sorprendente achado —din que nunca se atoparan con algo semellante polas súas dimensións— foron publicadas por Entérate O Grove en Facebook.
A Coordinadora para o Estudo dos Mamíferos Mariños (Cemma) confirma que se trata da costela dunha balea.
Segundo informa La Voz de Galicia, o óso será doado ao acuario do Grove, para que poida ser estudado e, posiblemente, pasar a formar parte da súa exposición permanente.
