SANTIAGO DE COMPOSTELA | 19/02/2018 | Actualizada ás 19:23 por EUROPA PRESS
Dúas persoas resultaron feridas na tarde deste luns nunha colisión na que se viron implicados outros tantos turismos en Sarria (Lugo). O accidente ocorreu na rúa Pedro Saco, ás 15,10 horas.
Nese momento, segundo informa o 112, o 061 deu conta do sucedido, após o que se pasou o aviso á Policía Local e aos Bombeiros de Sarria.
Por outra banda, en Bueu (Pontevedra), unha colisión entre un coche e unha moto saldouse co motorista ferido. O accidente tivo lugar á altura do número 14 da Avenida de Cangas.
O 112 tivo constancia do sinistro ás 16,05 horas, a través da alerta dun particular. A partir de aí, informou do ocorrido ao 061, á Policía Local e aos Bombeiros de Ou Morrazo.
Unha vez no lugar dos feitos, os membros do Servizo de Prevención, Extinción de Incendios e Salvamento levaron a cabo a limpeza da vía debido á perda de combustible dun dos vehículos accidentados.
ACCIDENTE EN OURENSE
Ademais, o 112 recibiu a alerta dunha colisión entre un tráiler e un camión en Ourense ás 15,35 horas. Segundo os datos facilitados por varios particulares, o primeiro chocou contra a mediana no punto quilométrico 234 da A-52 en sentido Benavente e, inmediatamente despois, un camión máis pequeno chocou con el. Ninguén resultou ferido.
Nada máis recibir o aviso do accidente, o 112 puxo a situación en coñecemento do 061, da Garda Civil de Tráfico, dos Bombeiros de Ourense e de Protección Civil.
TURISMO CONTRA UN MURO
Unha hora máis tarde, en Esgos (Ourense), un home resultou ferido despois de que o coche no que circulaba chocase contra un muro. Os feitos ocorreron no lugar de O Pinto, na parroquia de Vilar de Ordelles.
Foi un particular quen alertou do sinistro ao 112, que informou do sucedido ao 061, á Garda Civil de Tráfico, ao Grupo de Emerxencias Supramunicipal (GES) do Pereiro de Aguiar e a Protección Civil. Unha vez no lugar do accidente, os efectivos sanitarios evacuaron até un centro hospitalario ao ferido.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.