Por E.P. | PONTEVEDRA | 14/04/2018 | Actualizada ás 16:25
O vicepresidente da Xunta e presidente provincial do PP de Pontevedra, Alfonso Rueda, replicou ao secretario xeral do Partido Socialista de Galicia (PSdeG), Gonzalo Caballero, que "se se preocupase da xente que pide o seu cesamento no seu propio partido, probablemente lle iría mellor". Previamente, Caballero instara ao titular do Goberno galego, Alberto Núñez Feijóo, a que "tome cartas no asunto" da folga da xustiza ou "cese" a Rueda ante a súa "incapacidade" para negociar.
Tras participar en Pontevedra nun acto do PP provincial co lema "Non esquecer o pasado para mirar o futuro", Alfonso Rueda reiterou que está a facer "todo o posible para acabar o conflito da xustiza".
Desde o PSdeG transmitiron o seu "respaldo" a traballadores e representantes sindicais da Administración de xustiza, acusando ao PP de que "non foi capaz tras máis de dous meses de dar solución a un conflito laboral que ten paralizada a xustiza en Galicia", reprochou Gonzalo Caballero.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.