Un total de oito grandes empresas avalían fomentar o galego entre os seus traballadores

Acordan participar na celebración do Día da Galeguidade Empresarial que se celebrará o próximo mes de novembro.

Por Galicia Confidencial | Vigo | 26/05/2018 | Actualizada ás 10:59

Comparte esta noticia

Nueva Pescanova, Itelsis, Celtic Estores, Rodríguez López Auto, Mecadis, Destilerías de Compostela, Grupo Academia Postal e Progando acordaron este venres estudar mecanismos para fomentar o galego entre os seus traballadores.

Foi no marco dunha xuntanza do Foro Enrique Peinador á que, ademais, asistiron o novo reitor da Universidade de Santiago de Compostela,Antonio López Díaz, Valentín García Gómez, Secretario Xeral de Política Lingüística e o fiscal da Fiscalía Superior de Galicia, Carlos Varela.

No encontro tamén se acordou celebrar actos de  investidura de galeguizade empresarial nos próximos meses para facer coparticipe deles a traballadores e provedores das anteditas empresas.

Ao tempo todas as empresas participarán na celebración do Día da Galeguidade Empresarial que se celebrará o próximo mes de novembro, dedicado ao deseñador e empresario Isaac Díaz Pardo. Por outra banda, co reitor da Universidade de Santiago de Compostela, Antonio López Díaz, concretáronse proxectos para implementar nas facultades de Dereito, Económicas e Empresariais senllos programas que acheguen ao estudantado o coñecemento da historia do dereito e economía de Galicia.

Xuntanza do Foro Enrique Peinador para impulsar medidas de galeguidade empresarial
Xuntanza do Foro Enrique Peinador para impulsar medidas de galeguidade empresarial | Fonte: Foro Enrique Peinador

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 2 comentarios

2 Galego na empresa

Oxalá, o uso do galego na empresa é esencial para que o galego sexa visto como unha lingua útil dentro do país.

1 Pondaliao

A academia postal sempre fomentou o uso do castelán. Día da hipocrisía empresarial, parvadas as xustas.