Galicia avanza na loita contra o cancro

O consorcio galego Neogalfarm iniciará ensaios clínicos en humanos cun novo composto contra o cancro de colon probado ratos.

Por Galicia Confidencial | Santiago de Compostela | 15/06/2018 | Actualizada ás 13:15

Comparte esta noticia

Os responsables do proxecto 'Neogalfarm vén de presenta Novos tratamentos contra o cancro: Desenvolvemento de terapias dirixidas a diferentes dianas terapéuticas e de tratamentos combinados', veñén de presentar os prometedores resultados acadados polas empresas que participan neste. O principal obxectivo agora é iniciar ensaios clínicos cun novo composto desenvolvido e probado xa en animais con resultados positivos. 

A directora da Axencia Galega de Innovación (GAIN), Patricia Argerey Vilar (centro), con representantes do consorcio de empresas do sector biotecnolóxico Neogalfarm
A directora da Axencia Galega de Innovación (GAIN), Patricia Argerey Vilar (centro), con representantes do consorcio de empresas do sector biotecnolóxico Neogalfarm | Fonte: Xunta.

Neogalfarm agrupa un consorcio de empresas do sector biotecnolóxico galego como Galchimia, Oncostellae, AMSlab e Nanogap —todas elas pertencentes ao Clúster Tecnolóxico Empresarial das Ciencias da Vida (Bioga)—, en colaboración con grupos de investigación da universidade (Grupo Biofarma, Grupo Galego de Investigacións Oncolóxicas, Grupo Química de Carbohidratos e ComBioMed da Universidade de Santiago de Compostela, o Instituto de Investigación Santiaria de Santiago e o Leitat Technological Center) referentes no desenvolvemento de ensaios farmacolóxicos nun ámbito estratéxico para Galicia, como é a biotecnoloxía.

O obxectivo da plataforma Neogalfarm é buscar novos fármacos para enfermidades oncolóxicas. Os primeiros resultados están relacionados co cancro de colon e os ensaios clínicos se realizarán no hospital de Sant Pau de Barcelona, tras conseguir resultados "prometedores" na fase de experimentación con ratos.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta