O pianista británico James Rhodes escribe e defende a lingua galega

Durante a súa visita a Vigo decidiu saudar en galego aos seus miles de seguidores en Twitter e respondeu a un usuario que o criticou por usar a lingua galega.

Por Galicia Confidencial | Vigo | 06/07/2018 | Actualizada ás 18:22

Comparte esta noticia

O pianista británico James Rhodes actúa este sábado día 7 no Auditorio Mar de Vigo. Aproveitando a súa estadía na cidade galega, Rhodes decidiu aprender algo de galego e saudar en galego en Twitter a todos os galegos e tamén aos milleiros de seguidores que ten o músico nesta rede social.

James Rhodes.
James Rhodes.

"Este é o meu primeiro tuit en galego. Espero que non sexa un desastre. Encántame estar aquí e quería dicilo. Especialmente a comida", escribiu Rhodes en Twitter, na mañá de hoxe.

Non só foi un xesto. Rhodes tamén demostrou o seu compromiso coas culturas non dominantes cando un usuario de Twitter lle recriminou que usase a lingua galega. "Pues que te siga el que sepa gallego. Adiós", díxolle o usuario Mardialón (@Mardialon65). Ao que Rhodes respondeu: "Adeus ao meu amigo 👋🏻", mostrándolle que non vai deixar de usar a lingua galega pola intolerancia dalgúns.

En Twitter, James Rhodes é toda unha estrela, con máis de 110.000 seguidores. Nado en Londres, o 6 de marzo de 1975, Rhodes é un pianista británico coñecido tamén polo seu activismo na denuncia sobre os abusos sexuais a menores. Desde 2017, reside en Madrid.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 6 comentarios

3 Españolistas dades noxo

Aos que se queixan por falarmos galego é a resposta que hai que dar. Adeus e non volvas.

2 Leike

Mentres James Rhodes demostra unha actitude aberta e inclusiva, o tal Mardialón é mostra de irrespecto e inclusión. E a resposta de Rhodes toda unha lección de elegancia.

1 Leike

Naturalmente, o meu texto era: Mentres James Rhodes demostra unha actitude aberta e inclusiva, o tal Mardialón é mostra de irrespecto e exclusión. E a resposta de Rhodes toda unha lección de elegancia

1 Gamela

e que tal toca o piano? porque vír a Galicia a comer é puro topicazo! (Para comer, Lugo!) e tocar no Mar de Vigo tamén é cousa de mirar con LUPA ! https://flic.kr/p/fkLLxj Non sei quen foi o que o trouxo a Vigo a tocar... pero coidado co Cabalo de Calígula !!! Agora xa ten colocado a David Regades na Zona Franca !!!

1 Un galego

Un xenio tocando. Do mellor no mundo neste momento. Ademais unha persoa excepcional. Vai a un programa de Rafael del Pino na SER o fin de semana pola mañá.

2 Gamela

Gracias pola información! http://cadenaser.com/programa/2018/...