Feijóo ratifica que os empregados públicos recibirán o 100% das súas retribucións cando estean de baixa temporal

O máximo mandatario autonómico, Alberto Núñez Feijóo, destacou que os empregados públicos da Xunta volverán percibir o 100% das súas retribucións cando se atopen en situación de incapacidade temporal (IT).

Feijóo fixo este anuncio durante o debate de política xeral, no que avanzou que aplicará a 16.500 empregados da Administración autonómica un sistema de carreira profesional similar ao da sanidade.

"Unha vez se completen todas as melloras acordadas e a que acabo de anunciar, suporá un incremento das nóminas dos empregados públicos de até o 17%", apuntou.