Un home dá positivo en drogas tras causar un accidente de tráfico en Lugo

Un home de 36 anos deu positivo no test de drogas --por opiáceos e benzodiacepinas-- tras provocar un accidente de tráfico na cidade de Lugo, que se saldou con outro condutor ferido leve.

Segundo informou a Policía Local, o incidente produciuse na tarde do luns na rúa López Guntín, cando un condutor invadiu o carril contrario de circulación, chocando contra outro turismo.

O condutor responsable do sinistro, D.M.V.C., de 36 anos e veciño de Lugo, foi sometido a un test de alcoholemia, que deu negativo. Con todo, deu positivo por drogas.

A raíz do accidente, foi denunciado polo positivo en drogas e condución temeraria, así como por conducir sen carné (só posúe licenza de ciclomotor) e por non pasar a ITV ao vehículo. A Policía Local especificou que estas infraccións supoñen unha multa económica de 2.200 euros e 16 puntos do carné, dos que perderá 12.