SANTIAGO DE COMPOSTELA | 21/10/2018 | Actualizada ás 11:40 por EUROPA PRESS
Unha muller de avanzada idade tivo que ser trasladada ao Complexo Hospitalario Universitario da Coruña ao sufrir unha crise de ansiedade, despois de que se producise un incendio na cociña da vivenda na que reside, na Rúa Pintor Lucio Muñoz, no termo municipal de Cambre (A Coruña), na noite do sábado.
Segundo indicaron os bombeiros de Arteixo ao servizo de emerxencias do 112 Galicia, ardeu a campá extractora da cociña e víronse afectados polo fume os mobles ao seu ao redor.
O 112 Galicia recibiu a alerta do incendio nesa rúa, sobre as 21,15 horas da noite, a través dos axentes da Policía Local. Con estes datos, os profesionais do 112 puxeron en alerta aos bombeiros de Arteixo e aos efectivos de Protección Civil.
Cando chegaron á vivenda os mesmos veciños xa desaloxaran, por precaución, o edificio. Ademais, os axentes comprobaron que as chamas xa foran sufocadas e que só había fume na cociña do inmoble.
Unha vez ventilado o inmoble e evacuada a muller polos servizos sanitarios, os bombeiros deron por finalizada a súa intervención. Unha vez extinguido o lume, os veciños puideron regresar ás súas vivendas.
INTOXICADA POR INHALACIÓN DE FUME NUN INCENDIO EN FERROL
Por outra banda, en Ferrol, ás 03,45 horas da madrugada, un particular comunicou ao 112 Galicia que unha persoa fora auxiliada dun baixo dun edificio no que se iniciou un incendio nun colchón. O inmoble está situado na Praza de Sánchez Aguilera e a persoa presentaba síntomas de intoxicación.
Até o lugar, desprazáronse os bombeiros de Ferrol e a Policía Local, así como unha ambulancia do 061, que trasladou á persoa afectada ao Hospital Universitario de Ferrol.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.