Suspendidas as actividades escolares en exteriores en puntos da Coruña, Pontevedra e A Mariña lucense polo temporal

A Comisión Escolar de Alertas decidiu suspender este martes, a partir das 12,00 horas, as actividades escolares nos exteriores dos centros educativos en zonas do suroeste, oeste e noroeste da Coruña, no litoral de Pontevedra e na Mariña lucense debido ao temporal.

E é que este martes, segundo lembra a Consellería de Educación, Galicia mantén activado un aviso laranxa por refachos que poderán alcanzar os 100 quilómetros por hora.

No entanto, a Comisión Escolar de Alertas decidiu manter a actividade lectiva e o transporte escolar en todos os centros educativos galegos, aínda que indica que os directores poderán adoptar as decisións oportunas se a situación meteorolóxica supón un risco superior ao declarado.