Crece case un 12% a compra de vivendas en Galicia
Do total de vivendas vendidas en Galicia durante o mes de setembro, 1.127 eran usadas e 312 novas.
Por Europa Press / Redacción | SANTIAGO DE COMPOSTELA | 13/11/2018 | Actualizada ás 10:21
A compravenda de vivendas creceu en Galicia un 11,6% no mes de setembro, en comparación co noveno mes do ano anterior, até as 1.439. Así o evidencian os datos feitos públicos este martes polo Instituto Nacional de Estatística (INE), que pon de manifesto que o incremento en Galicia foi superior ao 9,7% de media nacional. Con todo, as cifras supoñen 66 vivendas por cada 100.000 habitantes, fronte ás 116 da media estatal.
Segundo o réxime e o estado, do total de vivendas vendidas en Galicia durante o mes de setembro, 1.127 eran usadas e 312 novas. Ademais, 1.382 correspondíanse con vivenda libre e 57 eran protexidas. Ademais das 1.439 compravendas, durante o noveno mes do ano transmitíronse 660 vivendas por herdanza, 45 por doazón e cinco por permuta, xunto a 870 por outros medios.
TRANSMISIÓN DE FINCAS
No mes de setembro realizáronse en Galicia 7.246 transmisións de fincas, das cales 1.726 eran fincas rústicas e 5.520 urbanas --3.019 vivendas, 149 solares e 2.352 doutro tipo--.
En canto ás fincas rústicas, rexistráronse 571 transmisións por compravenda, 28 por doazón, 32 por permuta e 804 por herdanza, así como 291 por outras vías.
En relación ás urbanas, houbo 2.789 transmisións por compravenda, 67 por doazón, 21 por permuta e 1.067 por herdanza, así como 1.576 transmisións por outra vía.
