Detida por subtraer 45.600 euros da conta dunha veciña
A denunciante, unha muller de Toén (Ourense), pedíralle axuda á presunta estafadora para saldar unha débeda que tiña con Facenda.
Por E.P. | OURENSE | 15/11/2018 | Actualizada ás 12:50
A Garda Civil de Ourense detivo a unha muller de 44 anos, veciña de Toén, acusada de subtraer até 45.600 euros da conta doutra persoa que lle pediu axuda para saldar unha débeda con Facenda.
Segundo explican os axentes, a denuncia foi interposta por unha muller de 64 anos, que relatou que durante os meses de xullo e agosto fora vítima dunha estafa, dado que unha veciña subtraera até 45.600 euros dunha conta que tiña en Francia.
A denunciante dixeralle á agora detida que tiña unha débeda con Facenda de 2.000 euros e a presunta estafadora ofreceuse a axudala cos trámites. Para iso, pediulle os datos bancarios, que finalmente empregou para facer 19 transferencias bancarias a unha conta da súa propiedade.
