Adif asegura a Gonzalo Caballero que non hai risco orzamentario para o AVE a Galicia
O líder do PSdeG di que "todas as obras están contratadas" e que o avance dos traballos é o acaído.
Por Europa Press / Redacción | SANTIAGO DE COMPOSTELA | 21/11/2018 | Actualizada ás 19:47
O secretario xeral do PSdeG, Gonzalo Caballero, reuniuse este mércores coa presidenta de Adif, Isabel Pardo de Vera, quen lle garantiu a chegada do AVE a Galicia en 2019. Respecto diso, Caballero apunta que "todas as obras están contratadas", polo que non existe "ningún risco orzamentario", mentres o avance dos traballos é o adecuado para cumprir co "compromiso" do Goberno de Pedro Sánchez de que a alta velocidade chegue á Comunidade o próximo ano.
Así mesmo, Adif deulle conta dos "esforzos" que realiza o Ministerio de Fomento para a chegada da AVE a Lugo, á vez que puxo en valor o compromiso de asumir a realización do estudo hidroxeolóxico necesario para a conexión do AVE con Vigo.
En paralelo, Pardo de Vera apuntou o "importante compromiso" coas estacións intermodais galegas, mentres resalta os avances para a inclusión de Galicia no corredor atlántico ferroviario de mercadorías para poder recibir fondos comunitarios a partir de 2021.
