Feridas cinco persoas nunha colisión con catro vehículos implicados en Moaña

Cinco persoas resultaron feridas este sábado nun accidente de tráfico ocorrido no municipio pontevedrés de Moaña, no que se viron implicados catro vehículos.

Segundo a información do  CIAE 112-Galicia, o suceso ocorreu ás 14.00 horas na PO-551, ao seu paso polo lugar do Calvar, onde chocaron catro vehículos.

Ata a zona foron mobilizados efectivos da Garda Civil de Tráfico así como persoal sanitario do 061, que atendeu a cinco feridos. Outras catro persoas resultaron ilesas.