Temas: CHUVIA TEMPORAL

O temporal de vento e choiva deixa máis de 200 incidencias en Galicia

A Coruña foi a provincia máis castigada polo paso do temporal.

Por Europa Press / Redacción | SANTIAGO DE COMPOSTELA | 18/12/2018 | Actualizada ás 19:54

Comparte esta noticia

O temporal de vento e choiva que durante este martes afectou a Galicia xerou máis de 200 incidencias atendidas desde o CIAE 112 entre a pasada medianoite e esta tarde.

Temporal en Galicia
Temporal en Galicia | Fonte: Miguel Núñez.

En concreto, segundo a información do 112, contabilizáronse neste período un total de 208 incidencias relacionadas cos episodios meteorolóxicos adversos por choivas, vento e fenómenos costeiros.

En concreto, A Coruña foi a provincia máis castigada polo paso do temporal, con 84 incidencias, seguida de Pontevedra, onde tiveron lugar 66. En Lugo houbo 36 incidencias relacionadas co mal tempo e en Ourense atendéronse 22.

Os problemas que máis se repetiron ao longo da xornada foron os relacionados coa caída de árbores e ramas nas estradas (95), seguidos de obxectos e restos de accidentes nas vías de circulación (24).

En canto aos concellos máis afectados, destaca o de Vigo, con 14 incidencias atendidas; Pontevedra, con sete; A Estrada, con seis, e Moaña, onde tiveron lugar catro. Na provincia da Coruña, Santiago de Compostela rexistrou 12 e Muxía e Ribeira sete, respectivamente.

Pola súa banda, en Lugo, Mondoñedo e Folgoso do Caurel rexistraron catro incidencias cada un e Quiroga sumou tres; mentres que, na provincia de Ourense, houbo dúas incidencias nos concellos de Muíños, Taboadela e Xunqueira de Ambía, os máis afectados.

Temas: CHUVIA TEMPORAL
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta