Doce badaladas, doce reivindicacións xornalísticas

O Colexio Profesional de Xornalistas de Galicia, quere felicitar o aninovo cunha montaxe audiovisual que lembra as novas máis salientables do 2018 con doce reivindicacións xornalísticas para o ano entrante baixo o lema 'Por que a unión da profesión nos sirva de amparo'.

A fin da precariedade laboral, o dereito a preguntar, os medios públicos independentes... son só tres das doce reivindicacións, unha por badalada, que o Colexio quere compartir neste remate de ano, como recordatorio de que aínda quedan moitos obxectivos que cumprir dentro da profesión e que a única forma de acadalos é axuntando esforzos.