Máis de sete mil veciños da Coruña entraron no plan de pago personalizado e fraccionado
A concelleira de Facenda destacou que a modalidade de pago facilita pagar tributos aos contribuintes.
Por Europa Press / Redacción | SANTIAGO DE COMPOSTELA | 30/12/2018 | Actualizada ás 19:05
Un total de 1.404 veciños da Coruña acolléronse este ano ao Plan de Pago Personalizado de Tributos Locais, co que a cifra global de persoas que fraccionaron os seus tributos alcanzou as 7.221.
Así o informou o Concello, que recorda que o exercicio de 2017 foi o primeiro no que os veciños puideron abonar mediante este sistema non só o pago do Imposto de Bens Inmobles (IBI) entre marzo e outubro, senón tamén o Imposto de Vehículos de Tracción Mecánica (IVTM), o de Actividades Económicas (IAE) e a taxa de lixo e vaos.
A concelleira de Facenda, Eugenia Vieito, destacou que "esta modalidade facilita o pago de tributos aos contribuíntes, que poden axustar o ritmo dos abonos á súa situación económica particular e aos seus tempos".
