A campaña de rebaixas xerará máis de 5.600 empregos en Galicia

Adecco prevé que estas rebaixas xeren uns 5.624 contratos en Galicia dos 122.900 empregos estimados en España, un 4% máis na Comunidade galega que o ano pasado. En total en España, expón Adecco, a campaña de rebaixas de inverno xerará este ano 122.900 contratos, o que supón un 4,1% máis que o ano anterior, segundo as previsións do grupo de recursos humanos Adecco.

Como é habitual, os sectores que máis postos de traballo crearán no período de rebaixas serán os vinculados ao gran consumo, como alta perfumería, cosmética, electrónica, juguetería, alimentación, distribución, retail, imaxe, son, loxística, transporte, hostalería e restauración.

En canto ao número de contratacións, atención ao cliente e forza de vendas serán as áreas que aglutinen máis contratos. En concreto, o perfil comercial (promotores, azafatas de imaxe, teleoperadores ou dependentes) será o máis buscado na campaña de rebaixas.

Por comunidades autónomas, Cataluña, con 23.071 contratos, Madrid (16.484 contratos) e Comunidade Valenciana (16.295 contratos) serán as que xerarán máis empregos para o período de rebaixas.

AUMENTOS

Segundo Adecco, todas as comunidades autónomas mellorarán as súas cifras con respecto a 2018, aínda que será Cataluña a que rexistre o maior crecemento nas contratacións de rebaixas, un 9%.