Por Europa Press / Redacción | SANTIAGO DE COMPOSTELA | 05/01/2019 | Actualizada ás 13:30
Un veciño de Ferrol localizou na mañá deste sábado o cadáver dunha muller en estado de descomposición no interior dos vestiarios dun campo de fútbol en desuso da cidade.
Segundo informou o Concello de Ferrol, a persoa que atopou o corpo entrou nos vestiarios do campo de San Xoán buscando a orixe do mal cheiro que se percibía pola zona.
No interior dos vestiarios do campo --propiedade da Sociedade de Xestión de Activos procedentes da Reestruturación Bancaria (Sareb)-- localizou un cadáver en estado de descomposición dunha muller.
Polo momento descoñécese a identidade da falecida, aínda que o goberno ferrolán baralla que se trata dunha muller que pasaba a noite nas instalacións.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.