Ciudadanos quere meter no Parlamento galego a polémica pola figura do relator no diálogo Estado-Cataluña

Ciudadanos instou ao Parlamento de Galicia a expresar "o seu rexeitamento á figura do relator" proposto polo Goberno para a mesa de diálogo cos partidos independentistas cataláns, xa que, segundo o partido laranxa, constitúe "a última das humillacións ás que o señor (Pedro) Sánchez someteu aos españois na súa política de cesións ao separatismo do señor (Quim) Torra".

Así se expresoua a portavoz de Cs en Galicia, Olga Louzao, que rexistrou este xoves unha pregunta parlamentaria na que pide ao Goberno autonómico que "rexeite a figura do relator".

"Asumir ou defender a figura do relator é o mesmo que asumir que Cataluña está fóra das institucións e que xa non forma parte dos nosos sistemas democráticos", asegurou Louzao, que acusa o presidente do Goberno, Pedro Sánchez, de querer "manterse" na Moncloa "á conta das bases constitucionais" de España.

Na súa iniciativa, Ciudadanos pide á Cámara galega que rexeite a figura do 'relator' por tratarse dunha "humillación e unha chantaxe inaceptable o nomeamento dun 'mediador' para negociar cos partidos separatistas fóra das institucións democráticas lexítimas recoñecidas" pola Constitución.