Por Europa Press / Redacción | SANTIAGO DE COMPOSTELA | 08/02/2019 | Actualizada ás 18:44
O Consello galego de Colexios de Médicos aclarou que non transmitiu o seu apoio á manifestación en defensa da sanidade convocada pola plataforma Sos Sanidade Pública para este domingo en Santiago de Compostela.
Na presentación da manifestación, o portavoz da plataforma, Manuel Martín, asegurou que "por primeira" vez unha convocatoria de SOS Sanidade Pública estaba apoiada por organizacións profesionais e por colexios médicos.
Con todo, desde o Consello Galego de Colexios de Médicos informouse que os Colexios oficiais de Médicos de Galicia "nin apoian nin recibiron ningunha solicitude para facelo".
Por mor desta aclaración, Manuel Martín lamentou o erro e explicou que a Plataforma fora informada de que tiña este apoio, pero que non o corroborou de forma directa cos propios Colexios médicos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.