Por E.P. | OURENSE | 08/02/2019 | Actualizada ás 20:48
O delegado do Goberno en Galicia, Javier Losada, valorou que o Boletín Oficial do Estado (BOE) publicase este venres a licitación do Museo Arqueolóxico é "un exemplo do compromiso incontestable do Goberno con Ourense". Segundo asegurou nun comunicado o Goberno central, o BOE publicou hoxe o anuncio do Ministerio de Cultura da licitación das obras de rehabilitación arquitectónica do antigo Palacio Episcopal, onde se sitúa o Museo Arqueolóxico Provincial de Ourense, por máis de 10 millóns de euros. "Este Goberno volve demostrar con feitos o compromiso coa provincia de Ourense e co seu capital, unha realidade que o BOE volve facer incotestable", sinalou Losada.
O delegado do Goberno lembrou que esta licitación "leva paralizada máis dun ano, enfrascada en trámites administrativos" que, ao seu xuízo, "atrasaran inexplicablemente esta importante actuación cultural". "En setembro, xunto co subdelegado do Goberno, Emilio González, logramos desbloquear esta situación e agora ponse sobre o papel o resultado daquelas xestións", sinalou Losada, quen engadiu que "os cidadáns de Ourense levan máis de 15 anos sen poder visitar unha instalación cultural e non se podería demorar máis esta mellora".
Neste sentido, o Goberno asegurou que será a partir de abril cando o Ministerio de Cultura teña unha decisión sobre este contrato, "unha vez se analicen todas as ofertas técnicas e económicas das empresas que se presenten ao mesmo". "O obxectivo é que as obras comecen este ano para que, canto antes, os ourensáns poidan facer uso das instalacións remodeladas", concluíron.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.